Ауғанстан "сапасы нашар мұнай құйылған" 67 цистернаны Өзбекстанға қайтарған

518 просмотра

Ауғанстанның стандарттар жөніндегі ұлттық басқармасының (ANSA) әлеуметтік желідегі хабарына қарағанда, Кабул мұнай құйылған 67 теміржол цистернасын Өзбекстанға қайтарып жіберген. Тәліптердің өкілі "мұнайдың сапасы нашар" деген уәж айтқан, деп хабарлайды Азаттық Радиосы.

ANSA мұндай жағдай бірінші рет болып отырғанын хабарлаған. Ауған шенеуніктері сапасыз жанармай мен мұнай жеткізудің алдын алу жөнінде бағдарлама жүзеге асырылып жатқанын мәлімдеген.

Бұл хабарға байланысты жергілікті БАҚ "Өзбекмұнайгаз" компаниясына хабарласқан. "Өзбекмұнайгаздың" мәліметіне қарағанда, "Ауғанстан уәжінің ешқандай негізі жоқ".

"Ешбір негізсіз уәж. Бұл жағдай жөнінде таяуда ресми ақпарат беріледі" деген "Өзбекмұнайгаздың" сөзін жергілікті БАҚ-тар жариялаған.

9 тамыз 2023, 10:05

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.