Оқымыстының бәрі бір мектептен шықты

Атырау қаласы «Зияткер» мектеп-лицейінде білім алған 32 түлектің 28-і, яғни 88%-ы мемлекеттік грант иегері атанды.

Айта кетейік, 2022-2023 оқу жылында облыстың 211 білім беру мекемесінде 11 сыныпты 6 081 оқушы аяқтады. Олардың 159-ы - "Алтын белгі" иегері.

Елімізде бұл жолы жоғары білімі бар кадрларды даярлауға 88 мыңнан астам мемлекеттік грант бөлінді. Сонымен қатар халық тығыз қоныстанған батыс және жаңадан құрылған өңірлердің жастарын жетекші жоғары оқу орындарында оқыту үшін 5 000 нысаналы грант, оның ішінде Атырау облысына 1 500 нысаналы грант бөлінді. Ал Атырау облысы әкімі грантының саны - 240, бірақ ол тек белгілі бір уақытқа дейін жергілікті мектептерде жұмыс жасайтындар үшін.

Дайындаған Нұрбейбіт НҰҒЫМАНОВ

Суретті ӨҚК ұсынды