«ТШО» алты жедел жәрдем көлігін тарту етті

1 183 просмотра

Жылыой ауданының 95 жылдық мерейтойына «Теңізшевройл» компаниясы жергілікті медицина мекемелеріне жаңа «А» класты 6 жедел жәрдем көлігін тарту етті.

- Бұл көліктер Құлсары қаласы мен 5 ауылға беріледі. ТШО-ға аудан басшылығы мен халқы атынан алғысымды білдіремін, - деді кілт табыстау рәсімінде аудан әкімінің орынбасары Гүлнафис АЙШУАҚОВА.

«Jac Sunray» маркалы жедел жәрдем көліктері Қазақстанда құрастырылған. Олар бекітілген стандарттарға сәйкес толық жабдықталған. Олардың жалпы құны - шамамен 190 миллион теңге.

«ТШО» ЖШС-нің үкіметпен және жұртшылықпен байланыс бөлімінің бас менеджері Дәрмен АРОНОВ:

- ТШО біздің қызметкерлер мен олардың отбасылары тұратын және қызмет атқаратын аймаққа ерекше көңіл бөледі, - деді.

Еске салсақ, бұған дейін «Теңізшевройл» компаниясы Жылыой ауданына мүмкіндігі шектеулі жандарды тасымалдауға арналған инватакси, сондай-ақ 4 арнайы техника, оның ішінде қар тазалайтын көлікті сыйға тартқан болатын.

Дайындаған Ләззат ҚАРАЖАНОВА

Жылыой ауданы әкімдігінің парақшасынан алынған сурет

3 тамыз 2023, 15:23

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.