Жер алсаң, мақсатына сәйкес пайдалан

Мақат ауданының прокуратурасы мемлекет берген жерлердің қалай пайдаланылып жатқанын тексерді. Коммерциялық мақсатқа бөлінген 7 учаске және ауыл шаруашылығы мақсатындағы 5 учаскенің «бос тұрғаны» анықталды.

Прокурорлық қадағалау актілері бойынша жалпы көлемі 7 мың гектарды құрайтын ауыл шаруашылығы мақсатындағы екі учаске мемлекет меншігіне қайтарылды. Қалған 10 учаске иелеріне бір жыл ішінде мақсаты бойынша пайдалану шараларын алу туралы ұйғарым берілді. Бұдан басқа, мемлекет бюджетіне жалпы сомасы 16,2 млн теңгеге міндетті жер төлемдері өндіріліп алынды.

Дайындаған Ләззат ҚАРАЖАНОВА