Түркияда қазақстандық туристер отырған автобус апатқа ұшырады

Алты турист ауыр жарақат алды.

Түркияның Аланья Анталия аймағында туристік автобус жүк көлігімен соқтығысып, екі адам қаза тауып, 12 адам зардап шекті, деп хабарлайды Azattyq Ruhy.

Қазақстандық туристерді Окурджалар Махаллеси тас жолымен тасымалдаған экскурсиялық шағын автобус бағдаршамда жүк көлігіне соқтығысты.

Оқиға орнына полиция мен дәрігерлер келді. Басылымның хабарлауынша, туристік автобус жүргізушісі мен украиналық гид қаза тапты.

Алты турист ауыр жарақат алды, барлығы Алания мен Манавгат аудандарындағы ауруханаларға туристік автобустың 12 жолаушысы жеткізілді.

Жүк көлігінің жүргізушісі жауап алу үшін жандармерия бөлімшесіне жеткізілді.