Салық қызметкерлері кәсіпкерлердің есеп-шотын заңсыз жапқан

Атырау облысы бойынша Мемлекеттік кірістер департаменті кәсіпкерлердің банк шоттарын жабу туралы заңсыз бұйрық шығарған. Бұл туралы қалалық прокуратура хабарлады. Іс 296 кәсіпкерге қатысты. Прокурордың араласуынан кейін бұйрықтардың күші жойылды.

– Кәсіпкерлердің банк шоттары бойынша шығыс операцияларын негізсіз тоқтату фактілері анықталды, қазір бұл заңсыз тәжірибе тоқтатылды. Сондай-ақ, Wipon қосымшасы арқылы түскен хабарламалар бойынша тағайындалған салық органдарының 51 заңсыз тексерісі жойылды. Ал тексеруге жеке немесе заңды тұлғалардың тікелей өтініші бойынша ғана рұқсат етіледі, - деп хабарлады қалалық прокуратура.

Олардың ақпаратынша, кінәлілер тәртіптік жауапкершілікке тартылған.

Дайындаған Айнұр САПАРОВА