Есірткі науқастарға да керек, бірақ бәрі заң аясында болуы тиіс

Есірткі құралдарының, психотроптық заттардың заңды айналымы саласындағы құқықбұзушылықтарды анықтау мақсатында «Дәрмек» жедел-профилактикалық іс-шарасы өтіп жатыр. Полицейлер медициналық мекемелерді, дәріханаларды және пациенттерге осы препараттарды қолдануға заңды рұқсат етілген басқа да ұйымдарды тексереді.

Тексеру барысында бүгінде ҚР ӘҚБтК-нің 464-бабы («Лицензиялау нормаларын бұзу») бойынша екі, 426-бабы («Фармацевтикалық қызмет қағидаларын бұзу») бойынша бір және 427-бап ("Есірткі және психотроптық заттардың айналымы саласындағы объектілерді техникалық нығайту талаптарын бұзу") бойынша екі құқық бұзушылық анықталды. Бұл бағыттағы жұмыстар жалғасып жатыр.

Ләззат ҚАРАЖАНОВА