Атырау облысындағы ауылдарға миллиардтар бөлінеді

Экономика және бюджеттік жоспарлау басқармасы басшысының міндетін атқарушы Рафик АБУОВТЫҢ хабарлауынша, «Ауыл – ел бесігі» бағдарламасы бойынша осы жылы облысымыздағы 25 ауылды жаңғыртуға 9,8 млрд теңге бөлу жоспарлануда. Облыста 300,3 адам тұратын 153 ауыл бар. Мемлекеттік бағдарлама аясында даму әлеуеті бар 93 ауыл іріктелді.

- Бұрын 2019-2022 жылдар аралығында  мемлекеттік бюджеттен 40 ауылға 24 млрд теңгеге 41 жоба іске асырылды. Бұл тұрғын үй-коммуналдық шаруашылық саласындағы 15 нысанды, 20 әлеуметтік инфрақұрылым нысанын (білім беру, денсаулық сақтау, спорт) және 6 көлік инфрақұрылым нысанын (ауылішілік жолдар) салуға, реконструкциялауға және жөндеуге  мүмкіндік берді. Бұдан басқа, «Ауыл – ел бесігі» бағдарламасы аясында 768 жұмыс орны құрылды, - деді Рафик Абуов.

Дайындаған Ләззат ҚАРАЖАНОВА