В Атырау
0 
Австралия үкіметі Ресейдің 35 ұйымына және Ресей мен Беларусьтің 10 азаматына жаңа санкциялар енгізуде. Тиісті мәлімдемені бейсенбіде елдің СІМ басшысы Пенни Вонг жасады, деп хабарлайды Inbusiness.kz.
Министрдің мәлімдемесінде "35 қорғаныс, технологиялық және энергетикалық сектор кәсіпорындары мен 10 Ресей және Беларусь азаматтарына" қатысты санкциялар енгізілгені атап өтілді.
"Біздің халықаралық серіктестерімізбен келісе отырып қабылданған бұл шешім Ресейдің Украинаға басып кіруін тікелей немесе жанама түрде қолдайтын азаматтарға барынша қысым көрсетуі керек", - деді Вонг.
Сыртқы саясат ведомствосы басшысының айтуынша, Ресей Қарулы Күштеріне озық технологияларды, электроника мен жабдықтарды жеткізетін компаниялар мен атом энергетикасы мен арктикалық ресурстарды өндірумен айналысатын ұйымдар жаңа санкциялар тізіміне енгізілген.
Сонымен қатар, Ресей Федерациясының бірінші вице-премьері Андрей Белоусовқа, вице-премьер Дмитрий Чернышенкоға, Ресей Федерациясындағы адам құқықтары жөніндегі уәкіл Татьяна Москальковаға, Совфедтің бірінші вице-спикері Андрей Турчакқа, сондай-ақ "Калашников" концернінің бас директоры Владимир Лепинге және "Ресей тікұшақтары" холдингінің бас директоры Николай Колесовқа қатысты қаржылық шектеулер енгізілді.