Түркістан облысында басқарма басшысының орынбасары пара алды деген күдікке ілінді

Түркістан облысында басқарма басшысының орынбасары пара алды деген күдікке ілінді, - деп хабарлайды Tengrinews.kz .

"Ол мемлекеттік органдарды ақпараттандыру және цифрландыру қызметтерін көрсетуге, орындалған жұмыстар актілеріне кедергісіз қол қою бойынша мемлекеттік сатып алу туралы шартты жасасқаны үшін 10 миллион теңге сомасында пара алды деген күдікке ілінді. Шарттың жалпы сомасы 280 миллион теңге", - делінген хабарламада.

Тергеу сотының санкциясымен күдікті қамауға алынды. Соталды тергеп-тексеру жалғасып жатыр.

Қылмыстық-процестік кодексінің 201-бабына сәйкес өзге де ақпарат жария етуге жатпайды.