ІІМ аптапқа байланысты көлік жүргізушілеріне үндеу жасады

Ішкі істер министрлігі көлік жүргізушілерін аптаптан қалай сақтануға болатыны туралы кеңестерін бөлісті, - деп хабарлайды Tengrinews.kz.

ІІМ Киберқылмыспен күрес орталығының бастығы Жандос Сүйінбай аптап кезінде жолға шығатын барлық жүргізушілерге сапарды жеңілдететін және түрлі қиын жағдайларда көмектесетін бірнеше ережелерді сақтауды ұсынды.

• Таңертең немесе кешке, күн ыстық емес уақытта алыс қашықтыққа сапарларды жоспарлаңыз;
• Алғашқы медициналық көмек сөмкесі жүк салғышта емес, жаныңызда және су болуы керек;
• Көлікпен мұз бетінде жүргендей ақырын жүріңіз, өйткені асфальт жоғары температура жағдайында өзінің қасиеттерін жоғалтып, тайғақ болады;
• Салқындату жүйесін үнемі қадағалаңыз, термометр тілінің "қызыл" деңгейіне түсуіне жол бермеңіз;
• Көлікте дизельдік отын мен бензин жоғары температурада көлемі артады, қолайсыз жағдайларда өртке әкелуі мүмкін. Осыған байланысты сапар алдында өрт сөндіргіштің болуын тексеру қажет;
• Жүрек-қан тамырлары және созылмалы аурулары бар жүргізушілер осы кезеңде жол жүрмегені абзал;
• Денсаулығы күрт нашарлаған жағдайда дереу жылдамдықты азайтып, көлікті тоқтатыңыз, басқа жүргізушілерге хабар беріп, жедел жәрдем шақырыңыз немесе 102,112 құтқару қызметіне қоңырау шалыңыз.