Тоқаев АМӨЗ бен МАЭК-те туындаған жағдайды бақылауда ұстап отыр

Атырау мен Маңғыстау облыстарындағы төтенше жағдай Президенттің бақылауында.

«Қасым-Жомарт Тоқаев апаттардан кейін Атырау мұнай өңдеу зауыты мен Маңғыстау атом энергетикалық комбинатында туындаған жағдайды ұдайы бақылауда ұстап отыр.

Президент апаттардың себебін анықтау үшін мемлекеттік комиссия құруды тапсырды. Кінәлілер заңға сәйкес жауапқа тартылады», - деп жазды Ақорданың әлеуметтік желідегі ресми парақшасы.

Үкіметке аталған кәсіпорындарды қысқа мерзімде жұмыс жағдайына келтіру туралы тапсырма берілген.