В Атырау
0 
Кишинев әуежайындағы атыстан шекарашы мен әуежайдың қауіпсіздік қызметінің қызметкері қаза тапты, тағы бір жолаушы зардап шекті, деп хабарлайды Zakon.kz.
Кишинев әуежайындағы атысты Молдоваға кіруге рұқсат берілмеген Тәжікстан азаматы шығарған, деп мәлімдеді ТАСС.
Арнайы қызмет Кишинев әуежайының ғимаратында атыс шығарған адамды ұстап, залалсыздандырды. Ұсталған азаматтың үстінен лаңкестік әрекетті ұйымдастырғаны үшін қылмыстық іс қозғалды. Осы оқиғаға байланысты Кишинев әуежайына Молдова Ішкі істер министрлігінің бүкіл басшылығы келді.
"Кишинев халықаралық әуежайында қауіпсіздікке байланысты күрделі жайт болды. Тәжікстанның 43 жастағы азаматына қауіпсіздік мақсатында Молдоваға кіруге тыйым салынды. Қайтару үшін зарарсыздандырылған аймаққа алып бара жатқан кезде ол шекаралық полиция қызметкерінен ұрланған тапаншамен шекарашы мен әуежайдың қауіпсіздік қызметкерін атып өлтірді", – деп жазды Молдова премьер-министрі Дорин Речан Facebook желісіндегі парақшасында.