В Атырау
-1 
Еске сала кетейік, қараша айының басында президент Қасым-Жомарт ТОҚАЕВТЫҢ Атырау облысы жұртшылығымен кездесуінде өңірдің энергетика саласындағы, оның ішінде «Атырау Жарық» АҚ-дағы проблемаларға назар аударылған болатын. Тіпті «егер компания өз міндеттемесін орындамаса, онда онымен келісімшартты бұзу керек» деп мәлімдеді.
Кездейсоқтық па, жоқ па, бұдан бұрын, қыркүйекте өткен қалалық мәслихат сессиясында депутаттар «Атырау Жарықты» мемлекет меншігіне қайтаратын кез келді деген пікір білдірген еді.
Сондай-ақ, қараша айының соңында президент ҚР премьер-министрі Әлихан СМАИЛОВҚА проблемалы энергетика активтерін мемлекет меншігіне қайтару мүмкіндігін қарастыруды тапсырғанын еске сала кетейік. Өз кезегінде, экономиканы монополиясыздандыру жөніндегі комиссия отырысында премьер-министр Бас прокуратураға еліміздегі бірқатар энергетикалық нысандарды жекешелендірудің негізділігін тексеруді тапсырды, бірақ қайсысы екенін нақтыламады.
Осы оқиғаларға байланысты «АЖ» республика үкіметі мен Бас прокуратураға сауалдар жолдады, ал олар сауалды жергілікті ведомстволарға кері жолдады.
Бірінші болып Атырау облысының прокуратурасы жауап беріп, энергетиктердің қызметін тексеру жөнінде ешқандай тапсырма алмағанын жеткізді.
Екінші сауалға облыстық энергетика және ТКШ басқармасының басшысы Айдулат КЕНЖЕБЕКОВ жауап берді. «...Бүгінгі таңда «Атырау Жарық» АҚ-ның ағымдағы жағдайы мен атқарған жұмыстарын анықтау мақсатында облыстық жұмыс комиссиясы құрылды», - делінген ведомство хабарламасында.
Атырау облысының аумағында орналасқан қандай кәсіпорындар монополиясыздандыру жөніндегі комиссияның назарына іліккені туралы мәселені үкімет назардан тыс қалдырды.
Жалпы, осы жылдың наурыз айынан бері телекоммуникация, теміржол инфрақұрылымы және экология саласындағы он ірі компания республика меншігіне өтті. 28 компанияның (оның ішінде тау-кен өнеркәсібіндегі) қатысу үлесі мемлекет меншігіне өту сатысында.
Лев ГУЗИКОВ