4 жылға сотталған бұрынғы қаржы вице-министрі Руслан Еңсебаев 2,5 айдан кейін бостандыққа шықты, деп хабарлайды «Адырна» тілшісі.
Шенеунік 2021 жылдың қыркүйегінде Қаржы министрлігінің жобаларын цифрландыруды қарастыратын тендерде «Әл-Фараби Partners» ЖШС жеңіске жеткені үшін Байбосынов пен Бұхарбайдан 1,2 миллион теңге көлемінде пара алғаны үшін кінәлі деп танылып, 4 жылға сотталған еді. Алайда 81 күннен кейін сот бұл жазаны өзгертіп, Еңсебаевқа 66 миллион теңге айыппұл төлеуге үкім шығарды. Бұл шешімді елордалық соттың қылмыстық істер жөніндегі алқасы қабылдаған.