Қарттар күніне орай елордада 91 672 зейнеткер біржолғы әлеуметтік төлем алады, деп хабарлайды Sputnik Астана әкімдігінің ресми сайтына сілтеме жасап. 

Жыл сайын 1 қазан – Қарттар күні аталып өтеді.

Биыл мерекеге орай 91 672 зейнеткерге 2,5 АЕК, яғни 7 950 теңге мөлшерінде біржолғы әлеуметтік көмек көзделген. Төлемдердің жалпы сомасы 730 млн теңгені құрайды.

Төлем Астанада тіркелген және тұрақты тұратын, жасына байланысты зейнетақы алушыларға беріледі.

Айта кетері, төлемдер 3 қазанға дейін төленеді.