В Атырау -11 
Бас мемлекеттік санитария дәрігері жаңа қаулыға қол қойды, - деп хабарлайды Tengrinews.kz.
"Қазақстан Республикасының халық арасында коронавирус инфекциясының алдын алу жөніндегі шараларды одан әрі күшейту туралы" 2022 жылғы 14 наурыздағы №12 қаулысының күші жойылғаны айтылды. Жаңа қаулыға сәйкес, нысандарда маска тағу режимі ұсыныс ретінде қалғаны белгілі болды.
"Маска тағу міндетті саналатын медициналық ұйымдарды (персонал, қызметкерлер, пациенттер, келушілер) қоспағанда, үй-жайларда міндетті түрде маска тағу режимі алып тасталды. Сондай-ақ, халық көп жиналатын орындарда, қоғамдық және әуе көліктерінде, ұйымдасқан ұжымдарда масканы пайдалану ұсыныс ретінде қалдырылды. Нысандарда санитариялық-эпидемиологиялық режимді сақтау бойынша ерекше талаптар алып тасталды", - делінген хабарламада.