В Атырау
+16 
РФ Мемлекеттік Думасы үкімет басшысы мен оның кабинет мүшелерінің шетелде есеп-шот ашуына тыйым салатын заңды бірінші оқылымда қабылдады. Сәйкес өзгертулер «РФ үкіметі туралы» федералдық конституциялық заңының 11-бабына енгізіледі, деп хабарлайды РБК.
Заң РФ үкіметінің төрағасы, оның орынбасарлары, федералдық министрлер, олардың жұбайлары мен кәмелет жасына толмаған балаларының РФ аумағынан тыс жердегі банктерде есеп-шот ашуға, қаражат сақтауға, шет мемлекеттердің мемлекеттік құнды қағаздарына иелік етуге құқығы жоқ екенін қарастырады.
Осы тыйымның сақталуына бақылау РФ президентінің жарлығымен қарастырылған тәртіпте жүзеге асады.
Дереккөз: bnews.kz
25 ақпан 2013, 10:21