Air Astana әуе компаниясы Киевке рейстердің уақытша тоқтатылатыны туралы хабарлады.

"Украина әуе кеңістігінің жабылуына байланысты Air Astana бүгіннен бастап 2022 жылдың 7 наурызына дейін Киевке бағытталатын барлық рейсті тоқтатады", - делінген тасымалдаушы хабарламасында.

22 ақпан мен 7 наурыз аралығында ұшуды жоспарлаған жолаушылар 31 наурызға дейін билетті қайта рәсімдей алады немесе билетті өткізуге болады.

"Жолаушыларға смс-хабарлама жолданды. Киевке ұшатын рейстерді airastana.com сайтынан нақтылауды сұраймыз", - делінген хабарламада.