​Электрлі қаруды заңсыз сатқан

Атырауда 54 жастағы қала тұрғыны сауда орталықтарының бірінде электрлі қару сатқан. Бұл «Құқықтық тәртіп» жедел профилактикалық іс-шарасы кезінде №2 учаскелік полиция пунктінің қызметкерлерімен анықталды.

Белгілі болғандай, бұл қару ішкі істер органдарында тіркелмеген және заңсыз сатылған.

ПД баспасөз қызметінің хабарламасына сай, әйелге қатысты ҚР ӘҚБтК-нің 482-бабы 1-бөлігі  («Жеке және заңды тұлғалардың қаруды заңсыз иеленіп алуы, беруі, өткізуі, сақтауы, алып жүруi, тасымалдауы») бойынша хаттама толтырылды. Сот шешімімен оған 53 623 теңге көлемінде айыппұл салынды.

Айнұр САПАРОВА