18 ақпанға қараған түні Атырауда Азаттық даңғылы мен Темірханов көшесінің қиылысында патрульдік полиция қызметкерлері марихуана шегіп алған Toyota Windom көлігінің 34 жастағы жүргізушісін ұстады.
Құқық бұзушыға қатысты ҚР ӘҚБтК-нің 608-бабының 1-бөлігі («Жүргізушінің көлік құралын алкогольдік, есірткілік және (немесе) уытқұмарлық масаң күйде басқаруы») бойынша хаттама толтырылды. Сот шешімімен ол 15 тәулікке қамауға алынды, сонымен қатар 7 жылға жүргізуші куәлігінен айырылды.
Дайындаған Айнұр САПАРОВА