В Атырау
+19 
18 ақпанда полиция департаментінің баспасөз қызметі қалада атыс қаруын заңсыз сақтау және тасымалдаумен айналысқан 9 адамнан тұратын топтың ұсталғанын хабарлады.
«Құқықтық тәртіп» жедел-профилактикалық іс-шарасы барысында Атырау қаласының 23 пен 27 жас аралығындағы тұрғындары анықталды. Тінту кезінде 26 жастағы күдіктіден сериялық нөмірі жойылған тапанша, ал 25 жастағы күдіктіден травматикалық тапанша тәркіленді. Сондай-ақ, Сәтпаев даңғылындағы үйлердің біріндегі қоймадан 3 атыс қаруы мен оқтары бар 2 винтовка тәркіленді.
– Қазір атыс қаруының бірі былтыр Алматыда пәтерді тонау кезінде ұрланғаны анықталды. Тәркіленген қарулардың бәрі сараптама тағайындалды. Екі күдіктінің де бұрын қару қолданып, бұзақылық жасағаны анықталды. Басқа мәліметтер ҚР ҚПК-нің 201-бабына сәйкес жариялануға жатпайды, - деп хабарлады ПД.
Аталған факті бойынша ҚР ҚК-нің 287-бабының 1-бөлігі («Суық қаруды алып жүру аңшылық кәсіпшілікке байланысты болған жағдайды қоспағанда, суық қаруды заңсыз алып жүру немесе өткізу, сол сияқты тиiстi рұқсаты жоқ жеке тұлғаларға, ұйымдарға қару-жарақты және оған оқ-дәрілерді сауда ұйымдары жұмыскерлерiнiң сатуы») бойынша сотқа дейінгі тергеу амалдары жүргізілуде.
Айнұр САПАРОВА
ПД ұсынған суреттер