В Атырау
+14 
21 желтоқсанда Атырауда 30 жасқа дейінгі 18 айтыскер ақын қатысқан Тәуелсіздіктің 30 жылдығына арналған облыстық жас ақындар айтысы өтті. Жыр додасында әзілге де, сынға да орын берілді.
Сөз барымтасында қызылқоғалық ақын Ерболат Қарақойшы “16 Желтоқсанда жастардың қорлықпен өлген күнін мереке деп тойлап жүрміз” деп, өзінің мерекеге қайшы пікірін білдірсе, осы жолдардың авторы еліміздің беделі мен экономикасы көбіне ірі мұнай қорларына тәуелді екенін еске салды. Ал, мұнайымыз болмағанда қайтер едік?
Қазылар алқасы бас жүлде мен 300 мың теңге сыйлықты осы жолдардың авторына табыстауды лайық деп санаса, жүлделі 1 орын мен 200 мың теңге сыйлығы қызылқоғалық Батыржан Қадірбайға бұйырды. Жүлделі екінші орынды (100 мың теңгеден) индерлік ақындар Абылай Смағұлов пен Баймұрат Кеңес еншілесе, үшінші орынға (75 мың теңгеден) исатайлық Амангелді Панабердиев, атыраулық ақындар Алшынбек Мұқанғалиев және Фариза Жетпісбаева ие болды. Басқаларына алғыс хат пен 50 мың теңгеден ақшалай сыйлық табыс етілді.
Нұрбейбіт НҰҒЫМАНОВ
Суретті түсірген автор