15 желтоқсанда Құлсары қаласында ауыр жарақатпен жергілікті әйел ауруханаға түсті. "АЖ" мәліметі бойынша екі әйел ішімдік ішіп, біраздан кейін сөзге келіп қалып бірі екіншісінің кеуде тұсына пышақ сұғып алады.
- 39 жасар әйел ауыр халде ауруханаға түсті, оған дереу ота жасалды. Көп қан кетіп қалуына байланысты оған қан құйылды. Әйелдің жағдайы ауыр, жансақтау бөлімшесінде жатыр, - дейді Жылыой аудандық ауруханасының бас директоры Нұрбек ҮКІБАЕВ.
31 жастағы күдікті әйел ұсталды. Қылмыстық іс көтеріліп, тергеу жүруде.
Ләззат ҚАРАЖАНОВА