В Атырау +20.5 
Индербор кентінде биыл пайдалануға берілуге тиіс көпқабатты 4 үйде қоныс тойы тойланбайтын болды. Аудандық әкімшіліктің баспасөз қызметінің мәлімдеуінше, абаттандыру жұмыстары қарқынының баяу жүруіне байланысты үйлер тапсырылмай отыр.
2018 жылы «Көктем» шағын ауданындағы 11-учаскеде 4 қатарлы 48 пәтерлік 4 үйдің құрылысы басталған еді. Мердігер «ЕвростройА» ЖШС-і осы жылдың қазанында үйлердің құрылысын толық аяқтап шықты, алайда...
- Үй салынды, бірақ келесі жылы беріледі. Өйткені жаяу және автомобиль жолдарының құрылысы бітпей қалды. «АгроСпецМонтаж» ЖШС-і биыл 9 млн теңгенің жұмысын жасады, ал келесі жылы қажетті қаржы бөлінгеннен кейін жолдардың құрылысы жалғасады, - дейді аудандық құрылыс бөлімі басшысының міндетін атқарушы Нариман ҒИНАЯТОВ. – Айта кетерлігі, биыл тамызда 80 пәтерлік үй пайдадануға берілді; одан бөлек 80 пәтерлік екі үйдің іргетасы қаланып отыр.
Ләззат ҚАРАЖАНОВА
Суретті түсірген автор