Атырау, 23 мамыр 10:16
 бұлыңғыр боладыВ Атырау +25
$ 425.02
€ 450.10
₽ 7.17

Шетелдіктер лира құлдырағанын пайдаланып, Түркиядан үй сатып алып жатыр

1 670 просмотра

Түркияда шетелдіктерге үй сату 50 пайызға жуық өсіп, рекорд деңгейге жетті. Бұл жағдай елге миллиардтаған шетел валютасын әкелді, - деп хабарлайды Tengrinews.kz тілшісі Reuters агенттігіне сілтеме жасап.

Түркия статистика институты мәліметінше, жылдық 20 пайыздан аса инфляция жағдайында жылжымайтын мүлік нарығы тұтастай алғанда жанданды, жалпы сатылым былтырғымен салыстырғанда 59 пайызға артып, 178 814 жылжымайтын мүлікке жетті.

"Адамдар тұрғын үйді инфляциядан қорғайтын құрал ретінде қарастырады, бұл қарашада сатылымды арттырды", - деді TSKB Real Estate Appraisal бас директор Макбуле Йонел Майя.

Ол бұл әсер мемлекеттік банктердің несиелері бойынша пайыздық мөлшерлеменің төмендеуіне байланысты екенін айтты.

Қарашада шетелдіктерге 7 363 үй сатылды, бұл 2013 жылы деректер жинау басталғаннан бергі ең жоғары айлық көрсеткіш. Шетелдік сатып алушылардың ең көп саны Ираннан болса, Ирак пен  Ресей азаматтары екінші орында.   Шетелдіктерге жылжымайтын мүлік сатылымы алғашқы 11 айда 39,4 пайызға өсті, ал 11 айлық кезеңдегі жалпы үй сатылымы бір жыл бұрынғыдан 9,2 пайызға төмендеді.

Ыстамбұл 2 922 сатылыммен шетелдіктерге үй сату бойынша ең танымал бағыт болды, одан кейін оңтүстіктегі Анталия курорты мен астана Анкара тұр.


15 желтоқсан 2021, 09:59

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.