​Мал іздеп шығып, далалықта адасып қалды

6 желтоқсанда Қызылқоға аудандық полиция бөліміне Миялы ауылының азаматшасы хабарласып, 41 жастағы жолдасы Асхат КУШЕЛЕКОВ мал іздеп кетіп, қайта оралмағаны туралы хабарлады.

Іздестіру жұмыстары жүріп, 4 сағаттан кейін Жангелдин ауылынан 40 шақырым қашықтықтағы «Жұмыршы» учаскесінен табылды.

- Жолдан адасып қалдым. Шаршап, әбден әлсіредім. Полиция дереу алғашқы көмек көрсетіп, киімімді ауыстырып, аман-есен үйіме жеткізді. Шексіз алғысымды білдіремін, - деді Асхат Кушелеков.

Қызылқоға АПБ учаскелік инспекторы Ерлан Жұмагереев:

- Аудан тұрғындары ауа-райының қолайсыздығына қарамастан малын іздеуге шығып, далалықта адасып қалуы әбден мүмкін. Әсіресе түнде алыс сапарлардан аулақ болуды ескертеміз.

Ләззат ҚАРАЖАНОВА