Жылыой ауданының Құлсары қаласында 38 жастағы әйел балконға мысығын асып қойыпты. Мысықтың өлігін көрген көршілері полицияға хабар берген.
Үш баланың анасы өз әрекетін түсіндіре алмады. Белгілі болғандай, ол сабасына түсу үшін әр ай сайын мысықтарды өлтіріп отырады екен. Полиция ҚР ҚК 316 бабы («Жануарларға қатыгездік көрсету») бойынша қылмыстық іс қозғады.
Бұл соңғы уақытта жануарларға көрсетілген екінші қатыгездік. Өткен аптада балалар күшікті дорбаға салып, тас байлап өзенге лақтырған. Бұл факт бойынша да қылмыстық іс қозғалды.
Фархат АБИЛОВ