Қазақстанда республикалық маңыздағы жеті жол учаскесі ақылы болды

Қазақстанда республикалық маңыздағы жеті жол учаскесі ақылы болды, деп хабарлады ҚазТАГ.
Дүйсенбіден бастап бірінші санаттағы төрт жолақпен қозғалу мүмкіндігі бар 1,8 мың км қашықтықты құрайтын «Нұр-Сұлтан – Павлодар»; «Қапшағай – Талдықорған»; «Тараз – Қайнар»; «Шымкент – Тараз»; «Шымкент – Қызылорда»; «Шымкент – Ташкент»; «Щучинск – Көкшетау» жол учаскелері ақылы болды.
Еске салсақ, аталмыш жол учаскелерін ақылы қылу маусым айында жоспарланған еді, алайда тасымалдаушылардың көптеген наразылықтарына, соның ішінде жолдың жағдайын тиісті жағдайға келтіру талаптарын орындауға байланысты оны ақылы ету күзге қалдырылған еді.