Қауіпті инфекцияның таралу ошағы Атырау қаласы болып отыр деп хабарлайды облыстық денсаулық сақтау басқармасының баспасөз қызметі.
Соңғы тәулікте өңірде коронавирустық инфекциямен 27 науқас анықталды. Атап айтқанда, Атырау қаласында Covid-19 жұқтырудың 19 жағдайы расталды. Скрининг нәтижесінде Теңіз кен орнында 3 науқас анықталды.
Инфекция облыстың аудандарында да таралуда: Жылыой ауданында - 1, Исатай ауданында - 1, ал Мақат ауданында - 2, Махамбет ауданында - 1 науқас анықталды.
Коронавирус инфекциясын жұқтырған 11 науқаста ауру тиісті белгілермен өтуде. 16 адамда ауру белгілері жоқ.
Өткен тәулікте облыста коронавирустан 7 адам емделді.
Қазір 254 адам үй жағдайында, модульдік ауруханада - 112, екінші облыстық ауруханада – 4 пациент,
аудандық инфекциялық стационарларда - 31. Теңіз кен орнындағы инфекциялық стационарда - 62 науқас.
Инфекцияның таралу қарқыны бойынша Атырау облысы қазір "жасыл" аймақта орналасқан.