Алматы облысы Қаскелең қаласында ер адам көліктен оқ атты. Полицейлер видео кейіпкерін анықтады, - деп хабарлайды Tengrinews.kz тілшісі Алматы облысы ПД баспасөз қызметіне сілтеме жасап.
Полицейлердің мәліметінше, оқиға 23 қазан күні сағат 17.30 шамасында Қарасай ауданы, Қаскелең қаласындағы Абылай хан көшесінде үйлену тойы кезінде болған.
Жедел іздестіру шараларының нәтижесінде полицейлер аспанға оқ атқан ер адамды анықтады, ол Қарасай ауданының 25 жастағы тұрғыны болып шықты. Оған қатысты ҚР Қылмыстық кодексінің 293-бабы 3-бөлігі ("Бұзақылық") бойынша қылмыстық іс қозғалды.
Көлік айыппұл тұрағына қойылып, ҚР ӘҚБтК-нің 590-бабының 2-бөлігімен әкімшілік хаттама толтырылды.
Кейіннен, заң бұзушылардың қалған бөлігі анықталды - ҚР ӘҚБтК-нің 595-бабы, 2-бөлігі, 590-бабы, 2-бөлігіне сәйкес әкімшілік материалдар жасалған Hundai және Mercedes автокөліктерінің жүргізушілері мемлекеттік тіркеу нөмірі жоқ автокөлік). Бұл жүргізушілер әкімшілік жауапкершілікке тартылып, көліктері автотұраққа қойылды.