"Тізерлетіп қойып ұрады". БҚО-да ата-аналар балалары қорлық көретінін айтып шағымданды

Батыс Қазақстан облысы Достық ауылында жергілікті тұрғындар мектепте балалардың қорлық көріп жүргеніне шағымданды. Бұл туралы "Астана" телеарнасы хабарлады.

Ата-аналардың айтуынша, жоғары сынып оқушыларының төмен сыныпқа қысым көрсетуі өмірлеріне айтарлықтай қауіп төндірген. Олар мектепте агрессивті жасөспірімдердің тобы бар екенін, балаларды тізерлетіп қойып ұратынын айтты.

Бұл әрекет тәрбиелеу мақсатында жүргізіледі екен: төмен сынып оқушыларына жоғары сыныптармен амандасуға, олармен дауласпауға, оларды көргенде иілуге үйретеді. Мұндай қысым көрген балалар тұйық болып, мектепке барудан қорқады.

Ата-аналар полицияға жүгінген, сондай-ақ, мектеп әкімшілігі болған жайтқа көз жұмып отырғанына таңғалады.

"Олар жарақатты көрінбейтіндей салады, беттен, бүйректен ұрады. Бірақ ешқандай жарақат қалдырмайды, сондықтан біз не болып жатқанын байқамадық. Біз тек балалардың тұйықталып бара жатқанын байқадық", - деді оқушының анасы Любовь Матвеева.

"Алдымен бір баланы ұрады, содан кейін басқа баланы ұрады, бәрі біртіндеп болады. Бұл балалар алаңдарында болады", - деді Наталья Коркина.

Мектеп директоры оқу орнында қорқынышты ештеңе болмайтынын, тек бір ғана қақтығыс болғанын айтты. Оның ойынша, бұған араласып керек емес, балалар өздері түсініседі.