Бір күнде 68 жол апаты: Нұр-Сұлтан полициясы жүргізушілерге ескерту жасады

Нұр-Сұлтан қаласының полиция департаменті ауа райының нашарлауына байланысты елорда тұрғындары мен қонақтарына ескерту жасады, - деп хабарлайды Tengrinews.kz тілшісі.

"Құрметті елорда тұрғындары мен қонақтары! 11 қазанда ауа райы нашарлайды, қар аралас жаңбыр жауып, көктайғақ болады деген болжам бар. Көліктеріңізге қысқы дөңгелек салып, баратын жерлеріңізді алдын-ала жоспарлауды, жол жүру барысында ара қашықтықты сақтап, абай болуларыңызды сұраймыз, - делінген полиция хабарламасында.
"Елордада бір тәулік ішінде 68 жол апаты тіркелді, зардап шеккен бір жолаушы ауруханаға жатқызылды. Тек жүргізушілерге ғана емес, жаяу жүргіншілерге де ерекше қамқорлық қажет", - деп толықтырды департамент.

Бұған дейін Нұр-Сұлтанда көктайғақ пен тұман күтілетіні хабарланған болатын.