Өнер музейінің қоры жаңа туындылармен толықты

4-7 қазан күндері Атырауда «Сурет әлеміндегі Абай мұрасы» атты кәсіпқой суретшілердің республикалық симпозиумы өтті.

Шараға 20 суретші жиналды. Олар Абайдың шығармаларына жасалған жұмыстарды кенеп бетіне түсіріп, олар кейін Ш. Сариев атындағы көркемсурет және қолданбалы-сәндік өнер музейіне қойылды. Қылқалам шеберлерінің қиялынан туындаған суреттер топтамасындағы «Абайдың қара сөзі», «Абай», «Қансонарда бүркітші шығады аңға», «Тоғжанның келбеті» секілді картиналар көрерменге ерекше сезім сыйлайды.

Көрмеге қатысқан суретшілерге облыс әкімінің Алғыс хаты мен 200 мың теңгелік сертификат табыс етілді. Ал картиналар музей қорында қалады.

Нұрбейбіт НҰҒЫМАНОВ

Суреттерді түсірген автор