​Түнде Сәтпаев көшесінде өлімге әкеліп соққан жол-көлік апаты болды

22 қыркүйекте түнгі сағат 01:20 шамасында Атырау қаласы, Сәтпаев көшесінде жол-көлік апаты болды. Hyundai Accent және «Лада Приора» маркалы атокөліктері бір бағытта қатарласып келе жатып соқтығысып, соққы екпінмен «Приора» жол жиегіндегі электр бағанасына соқтығысқан.

Соққы салдарынан «Приораның» 18 жасар жүргізушісі мен жолаушысы дене жарақатын алып, облыстық ауруханаға жеткізілген. Кейін жолаушы жансақтау бөлімінде көз жұмды.

Дайындаған Айнұр САПАРОВА