Бүгін, 1 қыркүйекте Атырау қаласындағы мектептерде бірінші сыныпқа баратындар үшін «алғашқы қоңырау» соғылып, 8711 оқушы алғаш мектеп табалдырығын аттады (қазақ сыныбына - 6 103 бала, орыс сыныбына - 2608 бала).
«АЖ» тілшісі №37 мектептегі салтанатты шараға қатысты. «Кел, балалар, оқылық» шарасы таңертең сағат 9:00-де басталды. Жақсы тілектерден кейін балалар аса қызығушылық пен толқумен ғимаратқа кіріп, алғашқы парталарына отырды...
Мектеп директоры Айнагүл БУЛЕКОВАНЫҢ айтуынша, биыл мектепке 9 бірінші сынып қабылданып отыр. Әрқайсында 25 баладан. Оның ішінде екі бірінші сынып биыл жаңадан орыс тілінде ашылған.
Гүлмара МУРЗАГАЛИЕВА, 1 «А»-сыныбының жетекшісі.
- Биыл оқушыларды офлайн қабылдап жатқанымызға қуаныштымыз. Бұл менің 38 жыл педагогикалық тәжірибемдегі оныншы рет қабылдап жатқан бастауыш сыныбым. Сыныбымда 25 оқушы - 13 ұл, 12 қыз бар. Барлығы бүгін «Әліппесін» қолына алды.
Нұрбейбіт НҰҒЫМАНОВ
Суреттер мен бейнежазбаны түсірген автор