Соңғы екі аптада облыста коронавирус инфекциясын жұқтырғандардың саны 0,8 есеге төмендеген. Аурушаңдық жағдайы биыл былтырғыдай Теңіз кен орнында емес, облыс орталығында көп тіркеліп отыр. Бұл туралы Атырау облысы санитариялық-эпидемиологиялық бақылау департаменті басшысының орынбасары Гүлназ ИРБАТЫРОВА брифингте хабарлады.
Оның айтуынша, пандемия басталғалы күні бүгінге дейін облыста коронавирус инфекциясын жұқтырған 46 862 адам тіркелген. Әсіресе биыл жазда көп анықталды.
- Мәселен, 27 тамызда 315 жағдай тіркелді, оның 175-і Атырау қаласында. Ал Теңіз кен орнында эпидемиологиялық жағдай едәуір жақсарды, - дейді Г.Ирбатырова.
Айнұр САПАРОВА