​Екі облыс аумағында өндірістік көлемде марихуана өсірілді

Атырау мен Батыс Қазақстан облыстарының аумағында марихуана өсірілген плантацияда жұмыс істейтін 30-дан астам адам ұсталды.

«Фермерлерді» Атырау облысының прокуратурасымен келісе отырып, Ішкі істер министрлігінің арнайы жасағының қатысуымен ҰҚК қызметкерлері ұстады.

- Арнайы операция нәтижесінде ұш алқаптан 31 күдікті ұсталды (олардың 17-сі басқа елдің азаматы), оның ішінде есірткі тобын ұйымдастырушы бар. Заңсыз айналымнан төрт тоннадан астам марихуана, жеті қару мен оқ-дәрі алынды. Сондай -ақ, тінту кезінде браконьерлік жолмен алынған ақбөкен мүйізі мен бекіре балығы табылды, - деп хабарлады ҚР ҰҚК баспасөз қызметі.

Дайындаған Фархат АБИЛОВ

Фото ҚР ҰҚК баспасөз қызметі