​Жұмысшылардың екпе алған-алмағаны қашан тексеріле бастайды

ҚР Денсаулық сақтау министрлігі Санитарлық-эпидемиологиялық бақылау комитеті жұмысшылардың екпе алған-алмағаны қашан тексеріле бастайтынын айтты, деп хабарлады 24.kz. 

Қазақстандықтарды жұмыс орындарында екпе алған-алмағанын тексеру 10 тамызда емес, 2021 жылдың 1 қыркүйегінде басталады, деп хабарлады ҚР Денсаулық сақтау министрлігі СЭБД баспасөз қызметі. 

Алматы қаласы санитарлық-эпидемиологиялық қызмет департаменті бастығының орынбасары Сәдуақас Байғабылов еске салғандай, ҚР Бас мемлекеттік санитарлық дәрігерінің 14 шілдедегі No32 қаулысына сәйкес, вакциналау мерзімі анықталды: 10 тамызға дейін бірінші компонентті және 1 қыркүйекке дейін жұмыс істейтіндер COVID-19 вакцинасының екінші компонентін (медициналық тұрақты қарсы көрсетілімі барлар және соңғы үш ай ішінде COVID-19 жұқтырғандарды қоспағанда) алып үлгеруі керек. 

«Демек, жұмысшыларды вакциналау курсының аяқталуын бақылау тек 1 қыркүйектен бастап жүргізілуі мүмкін. Осы уақытқа дейін бұл тексерулерді жүргізу алгоритмін әзірлеу де жоспарлануда», - деді Сәдуақас Байғабылов Ол тексеру нысаны қызметкерлердің ресми құжаттары болатынын айтты. «Біз вакциналау төлқұжаттарын немесе вакцинаның бірінші компонентін алғаны жөніндегі куәліктерді тексереміз: медициналық тұрақты қарсы көрсетілімі барлығы немесе соңғы үш ай ішінде COVID-19 -бен ауырып кеткендігі туралы анықтамаларды, екпе алмаған жұмысшылардың ПТР-тест нәтижесі туралы анықтамасын (жеті күнде бір рет)», - деді Сәдуақас Байғабылов.