Қамшыбек Қоңқабаев қола медальға ие болды

Токио Олимпиадасында аса ауыр салмақта шаршы алаңға көтерілген Қамшыбек Қоңқабаев жартылай финалда америкалық Ричард Торрестен техникалық нокаутпен жеңіліп қалды, деп хабарлайды zakon.kz.

Қоңқабаев осылайша Олимпиаданы қола медальмен аяқтады.

Қазақстан құрамасының капитаны бірінші раундта 1:4 есебімен ұтылды. Екінші раундта тіпті 0:5 есебімен ұтылып, нокдаунға түсті. Үшінші раундта Қоңқабаевтың мұрны жарылып, жекпе-жек тоқтатылды.

Бұл Қазақстан спортшыларының Токиодағы төртінші жүлдесі. Төртеуі де қола медаль.