Атырау, 29 наурыз 10:59
 ашықВ Атырау +10
$ 448.15
€ 483.46
₽ 4.86

Атырауда жалған вакциналау паспортын сатқан медбике ұсталды

1 850 просмотра

31 шілдеде  Egov.kz ақпарат жүйесіне нақты егілмеген адамдарды "Covid-19" вакцинасын алды деген ақпаратты  ақшасына енгізумен айналысқан қалалық емханалардың бірінің медбикесі ұсталды.  

Медқызметкерді жедел-іздестіру шаралары барысында департамент қызметкерлері әкімдікпен және прокуратурамен бірлесіп ұстады. Денсаулық сақтау басқармасы бастығының орынбасары Қайсар ӘБДАЛИЕВТІҢ айтуынша, бұл өңірде бірінші рет тіркелген жағдай.

- Бұл сыбайлас жемқорлық қана емес, халықтың денсаулығына қауіп. Облыс әкімі Махамбет Досмұхамбетовтің тікелей тапсырмасы бойынша вакциналау төлқұжаттарын қолдан жасалуына жол бермеу бойынша профилактикалық шаралар жүргізілуде. Өңірдегі барлық егу орындарында бейнебақылау камералары орнатылған. Сондай -ақ, медицина қызметкерлерімен түсіндіру жұмыстары жүргізілді, - деді Қ.Әбдалиев.

Кінәсін толық мойындаған 40 жастағы күдікті жалған ақпарат енгізу үшін 10 мың теңге алғанын айтқан.

- Аталған факті бойынша ҚР Қылмыстық кодексінің 206-бабы 1-тармағы («ақпараттық жүйеге қасақана жалған ақпарат енгізу») бойынша сотқа дейінгі тергеу амалдары жүргізілуде, - деп хабарлады ПД баспасөз қызметі. Медбикеге 500 АЕК-ке дейін айыппұл түрінде жаза, не сол мөлшерде түзету жұмыстары, не 90 тәулікке дейін қамауға алу жазасы қолданылады.

Жалпы елімізде жыл басынан бері полиция вакциналау төлқұжаты мен ПТР -сынамаларын қолдан жасағаны үшін 86 қылмыстық іс қозғады. Схемасы мынадай: біреу екпе алуды мүлде қаламайды, ал жұмысы талап етеді. Сол кезде 5-тен 30 мың теңгеге дейінгі сомада екпе алмай-ақ, дерекқорға ол туралы ақпарат енгізуді ұсынатын медқызметкерлер көмекке келеді. бұл туралы ақпаратты мәліметтер базасына енгізіңіз. Сөйтіп, есеп беру кезінде сәйкес келу үшін вакцина дозасы жойылады.

Зульфия ИСКАЛИЕВА

1 тамыз 2021, 14:50

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.