В Атырау
+9 
2024-2025 оқу жылында Атамбаев атындағы №8, Гагарин атындағы №4, Ахмет Байтұрсынов атындағы №23 оқу ордалары және Дамбы елді мекенінде орналасқан Амангелді атындағы орта мектеп күрделі жөндеу жұмыстарынан өтті,- деп хабарлайды Өңірлік коммуникациялар қызметі.
Жөндеуден өткен білім мекемелерін заманауи кабинет пен құрал-жабдықтарымен қамтамасыз ету міндеттері кезең-кезеңімен жүзеге асуда.
- Биыл Атырау қалалық білім бөліміне қарасты бірнеше оқу ордасы жоспарлы түрде күрделі жөндеуден өтті. Бұл жұмыстар нақты жоспармен бекітіліп, жергілікті бюджет есебімен жыл сайын кезең-кезеңімен атқарылып жатыр. Келер оқу жылында да бірнеше мектепке жоспарлы жөндеу жұмыстары жүргізілмек, - деді Атырау қалалық білім бөлімінің басшысы Айнагүл Дүйсекенова.
Айта кетейік, қазіргі таңда Жангелдин атындағы орта мектепте күрделі жөндеу жұмысы басталды. Сондай-ақ мемлекеттік сараптамадан өтіп, мердігер мекемесі анықталған Шоқан Уәлиханов атындағы №9 орта мектепте те жөндеу жұмыстары атқарылады. Оқу нысандары ренновациялық жоба бойынша іске асуда. Яғни, мектеп жөндеуден өткеннен кейін қолданысқа тиісті құрал-жабдықтармен толықтай қамтылып болған соң беріледі.