Режиссер Болат Атабаев өмірден озды

Белгілі режиссер, қоғам қайраткері және драматург Болат Атабаев 69 жасында өмірден озды.

Бұл туралы әлеуметтік желіде құқық қорғаушы Бақытжан Төреғожина жазды.

Болат Манашұлы Атабаев 1952 жылы 14 мамырда Талдықорған облысының Тентек ауылында туған.

2020 жылы наурызда режиссер қант диабеті мен бүйрек ауруымен ауыр жағдайда Германиядағы клиникада жатқаны туралы хабарланды. 

Атабаев неміс драма театры мен М.Әуезов атындағы қазақ театрының бас режиссері, "Ақсарай" театрының көркемдік жетекшісі болды. Қазақстанның еңбек сіңірген өнер қайраткері атанды.

Атабаев қоғам қайраткері ретінде 2011 жылдың 16 желтоқсанындағы Жаңаөзен оқиғасынан кейін, яғни полиция бірнеше ай бойы ереуілге шыққан мұнайшыларға және одан кейінгі оқиғаларда оқ жаудырғаннан кейін кеңінен танымал болды. Режиссер қауіпсіздік күштерінің әрекетін қатты сынға алды және ақырында әлеуметтік араздықты қоздырды деп айыпталып, қамауға алынды, кейін бұл жағдай халықаралық деңгейде талқыға түскеннен кейін ол босатылды. Нәтижесінде ол Германияға қоныс аударды.