Атырау, 29 наурыз 04:44
 ашықВ Атырау +4
$ 448.15
€ 483.46
₽ 4.86

Қазақстанда Linkedіn әлеуметтік желісі бұғатталды

1 293 просмотра

Қазақстанда іскерлік байланыс орнату және іздеуге арналған Linkedіn әлеуметтік желісі бұғатталды, - деп хабарлайды Tengrinews.kz.

Әлеуметтік желі қолданушылары 26 шілдеде кешке сайтқа кіру мүмкін емес екенін айтып, шағымдана бастаған.

Қазақстанның Ақпарат және қоғамдық даму министрлігінің мәліметі бойынша, Linkedіn-ге қолжетімділік интернет-ресурс тарапынан заңбұзушылық тірелуіне байланысты шектелген. Желіні талдау барысында Интернет-казино жарнамасы және жалған парақшалар тәрізді деректер анықталған.

Ақпарат және қоғамдық даму министрлігі сайтқа ескерту жіберген, бірақ "Linkedin интернет-ресурсының әкімшілігі тарапынан заңбұзушылықты жою бойынша шаралар қабылданбаған".

"Осыған байланысты министрлік "Байланыс туралы" заңның 41-1-бабында көзделген тәртіппен интернет-ресурсқа қолжетімділікті шектеу жөнінде шаралар қабылдады.
Бұл ретте, Linkedin интернет-ресурсы заңнаманы бұзу деректерін жойған жағдайда, оған қолжетімділік қалпына келтіріледі", - делінген ведомство хабарламасында.

Linkedіn - бұл іскери қарым-қатынас, қызметкерлерді іздеу және бос жұмыс орындарын жариялауға арналған әлеуметтік желі. 2016 жылы компанияны Microsoft 26 миллиард долларға сатып алған.

27 шілде 2021, 12:13

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.