Атырау, 2 мамыр 07:58
 ашықВ Атырау +23
$ 442.05
€ 474.14
₽ 4.74

"Таңғалдым". Александр Винокуров қызметтен шеттетілуіне қатысты пікір білдірді

3 013 просмотра

Astana-Premier Tech-тің бұрынғы бас менеджері Александр Винокуров "Тур де Франс" қарсаңында қызметінен шеттетілгеніне таңғалғанын айтты, - деп хабарлайды tengrinews РИА Новости басылымына сілтеме жасап.

"Шынында да, мені қызметтен босатты. Бұл туралы маған жылдың ең маңызды жарысы - Тур де Франс-қа бірнеше күн қалғанда жазбаша түрде хабарлады. Әрине, бұл шешімге таңғалдым. Велоспорт - бұл бүкіл өмірім екенін бәрі біледі", - деді Винокуров РИА Новостиге.

Агенттік мәлеметі бойынша, Винокуровтың шеттетілуіне жеке мәселелер себеп болған. Бұл туралы L’Equipe басылымында жазылған. Алайда спортшы бұл ақпаратты жоққа шығарады. Оның айтуынша, жеке проблемалары жоқ. Ресми хабарламада осы жылы команда көрсеткіштері төмен болғандықтан, жұмыстан шығару туралы шешім қабылданғаны айтылған. Спортшы бұған келіспейтінін айтып, қазіргі уақытта команданың қоржынында 8 - жеңіс, 33 подиум бар екенін еске салды. "Сонымен қатар, маусым әлі аяқталған жоқ және шеттетілгенге дейін қандай да бір қорытынды жасау өте таңғаларлық", - деді ол.

"Мен спортшы бола тұра өз Отанымның атын шығардым, көп жеңіске қол жеткіздім және Қазақстанға екі олимпиадалық медаль (күміс және алтын) әкелдім, кейін жаттықтырушы ретінде халықаралық жарыстарда ел намысын қорғаған бірнеше медаль иелерін өсірдім. "Астана" велокомандасы әлемдік аренада Қазақстанның бет-бейнесіне айналды. Қазір "Астана" жобасы әлемнің үздік командаларының біріне айналған кезде, мені командадан шеттеткені қынжылтады", - деді Винокуров.

"Қалай болғанда да, мені алдағы Олимпиада ойындары қатты алаңдатады. Басты үмітіміз Алексей Луценко командамен болған барлық жағдайға қармастан жақсы дайындалады деп үміттенемін. Мен оған Токиода лайықты нәтиже көрсетіп, көпжылдық тарихы бар қазақстандық велоспорттың күшін бүкіл әлемге дәлелдеуі үшін жанкүйер боламын", - деп түйіндеді ол.

25 маусым 2021, 14:40

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.