Атырау, 30 шілде 12:48
 ашықВ Атырау +27
$ 424.51
€ 504.06
₽ 5.80

КТҚ-ны қайта жарақтауға 18 миллиардтан астам қаржы жұмсалады

2 085 просмотра

Кәріздік-тазарту құрылғысын (КТҚ) қайта жарақтауға Атырау қаласының әкімдігі 18 миллиардтан астам теңге бөлді. «AЖ» егжей-тегжейін білу үшін қала әкімшілігінің баспасөз қызметіне жүгінді, бірақ жауап алған жоқ. 

Өз білгенімізді айтайық. КТҚ негізгі кәріздік сорғы станциясынан 3,5 км солтүстік-батыс алаңында, қолданыстағы Квадрат буландырғыш тоғанының маңында орналасқан. Жобаға тапсырыс беруші - қалалық ТКШ бөлімі, лотты ұйымдастырушы - Атырау облысының қаржы басқармасы. Конкурсқа қатысуға өтінім қабылдау 8 маусымда басталып, 23 маусымда аяқталады. 

Жобаға 18 миллиард 390 миллион 902 мың теңге бөлінген. Қайта жарақтау биыл басталып, 2023 жылы аяқталуы керек. 

- Жаңа КТҚ өңірдегі экологиялық ахуалды жақсарту үшін қажет, олар ағынды суларды Атырау қаласының техникалық қажеттіліктері үшін пайдалануға мүмкіндік беретін деңгейге дейін тазартуды қамтамасыз етеді, - делінген лот мәтінінде. 

Осы тендер бойынша комиссия төрағасы – Атырау әкімі Қайрат Оразбаев, комиссия мүшелері - қалалық ТКШ бөлімінің басшысы Әлібек Мұханбеталиев, облыстық қаржы басқармасының басшысы Азамат Сәлімбаев және оның орынбасары Тілекқабыл Байдошев.

Фархат ӘБІЛОВ

7 маусым, 17:15

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.