Жеңіс тұғырына көтерілді

Жуырда қала мектептерінің мұғалімдері арасында спорттың бірнеше түрі бойынша қалалық спартакиада өтті. Мұғалімдер волейбол, баскетбол, үстел теннисі, тоғызқұмалақ, дойбы, шахмат, армрестлинг, кір тасын көтеру секілді спорт түрлерінен сынға түсті.

-Сайыста №31 орта мектептің командасы озық ойын көрсетті. Кір тасын көтеруден Еркебұлан Тумин, армрестлингтен Манарбек Сирашев, тоғыз құмалақтан Төребай Рысқалиев, Қуаныш Нұртазаұлы, үстел теннисінен Гүлнәр Мұхамбетқалиева, шахматтан Роза Сариевалар жүлделі орынға ие болды, -дейді №31 мектептің дене тәрбиесі пәні мұғалімі Дария АТШЫБАЕВА. – Сонымен қатар, волейболдан Ғаділжан Кереев, Гүлбану Ғазизуллина, Әлия Сидеғалиева, Дастан Аташев және басқа ойыншылар үздік өнер көрсетті. Жарыс қорытындысында 31 мектептің командасы барлық спорт түрі бойынша бірінші орынды еншіледі.

Т.МАНАПҰЛЫ