Өмір бойына жалға беріледі

«Нұрлы жер» бағдарламасы туралы нақтылағым келеді. Осы бағдарлама бойынша пәтерлер жалдау шартымен халықтың әлеуметтік осал топтарына беріледі. Ол қанша уақытқа беріледі? Мен өлгеннен кейін бұл пәтер не болады? Менің балаларыма қала ма және қандай шартпен?

А.Құнанбаев көшесіндегі үй тұрғыны Ақмарал

Атырау қаласының ТКШ, жолаушылар көлігі және автомобиль жолдары бөлімінің басшысы Рафхат ЖОЛДИЕВ жауап береді:

- «Нұрлы жер» мемлекеттік бағдарламасы бойынша тұрғындардың әлеуметтік әлсіз топтарына пәтерлер өмір бойына сатып алу құқығынсыз жалға беріледі. Егер негізгі жалға алушы қайтыс болса, онда пәтер қолданыстағы заңнамаға сәйкес отбасы мүшелеріне өтеді.