Үздік мәнерлеп оқушы

АМУ түлегі Нәзира ӘШІМ республикалық көркемсөз оқу шеберлерінің сайысында бірінші орынды иеленді.

Талдықорғанда өткен сайысқа еліміздің түкпір-түкпірінен жиналған 16 қатысушы отандық әдебиет классигі, Қазақстан Республикасы Мемлекеттік сыйлығының лауреаты Оралхан БӨКЕЙДІҢ (1943-1993) шығармаларының мәйегін көрермендерге жеткізуге тырысты.

– Әрі ауыр, әрі қызықты болды, - дейді Нәзира.

– Нәзираның жеңіс тұғырынан көрінетіндігіне күмәнданбаған едім, өйткені ол осы сайысқа өте мұият дайындалды. Бұл лайықты жеңіс болды, - деп есептейді Нәзираның тәлімгері, ҚР еңбегі сіңген өнер қайраткері Төлеген ЖАНГЕЛДИЕВ.

Конкурс Ұлттық академиялық кітапхана мен мәдениет және ақпарат министрлігі ұйымдастырған «Бір ел – бір кітап» акциясының шеңберінде өткізілген.

Анастасия ПАСТУХОВА