Атырау, 24 маусым 17:13
Кешке ашық+30, түнде +26
ҚР Ұлттық банкінің валюта бағамы: $ 377.18  € 426.14  P 5.98

Құжатыңызды көрсетіңіз!

9 ақпан 2011 00:00

- Біз Қызыл Балық поселкесінде тұрамыз. Жақында бізге халық санағын жүргіземіз деп бір-екі рет адамдар келді. Отбасы құрамы және кімнің қайда жұмыс жасайтындығы туралы сұрады. Содан соң біздің жеке бас куәлігіміздің, СТН-нің көшірмелерін алып, кетіп қалды. Олар өз тараптарынан ешқандай құжаттар көрсеткен жоқ. Қандай халық санағы екендігін және біздің құжаттарымыздың көшірмелерін алуға құқықтары бар ма, соны білгіміз келеді?

Сұраққа Атырау облыстық статистика басқармасының бастығы Галя МУҚАНҒАЛИЕВА жауап береді:

- Оқырман бір нәрсені шатастырып отырған болуы керек. Қазір халық санағы жүргізіліп жатқан жоқ. Қазіргі кезде біз ай сайын үй шаруашылығына зерттеу жүргіземіз. Осы зерттеуге кездейсоқ таңдау әдісімен іріктелген үй шаруашылығы қатысады. Алайда Қызыл Балық поселкесі бұл зерттеуге қатыспайды. Ал Дамбыда статистикалық зерттеуге бірнеше үй шаруашылығы ілінді. Статистика қызметкерлері әр үйді аралап, сауалнама жүргізбейді. Бұл мақсат үшін жалдамалы қызметкерлерді шақырамыз, мұны зерттеу жүргізілетін селоның тұрғындарының ішінен таңдауға тырысамыз. Шынымен де, статистикалық зерттеуге қатысатын үй шаруашылығын зерттегеннен кейін сауал алушылар қожайындардан жеке бас куәлігі мен СТН көшірмелерін сұрайды. Бұл зерттеуге қатысқаны үшін  1 АЕК сомасында сыйақы төлеу үшін қажет.

Біздің сауал алушылар әрдайым өздерінің келу мақсатын толық түсіндіреді, өздерін таныстырады, статистикалық басқарманың мөрі мен біздің басшымыздың қолы қойылған өз фотосуреттері бар арнайы бейджді, сондай-ақ, өз жеке бас куәліктерін көрсетеді. Тұрғындар өз үйлеріне біреулерді кіргізбес бұрын және өз құжаттарын бермес бұрын мұқият болғандары жөн.

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

1449 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4